وزیراعظم عمران خان نے معصوم بچی اورخاتون سے زیادتی کے واقعات کا سخت نوٹس لیتے ہوئے متعلقہ آئی جیز سے رپورٹ طلب کی ہے ۔ وزیراعظم نے کہا کہ خواتین کا تحفظ حکومت کی ذمہ داری ہے ۔ انہوں نے کہا کہ کسی مہذب معاشرے میں ایسی درندگی اور حیوانیت کی اجازت نہیں دی جا سکتی ۔ وزیراعظم نے کہا کہ ایسے واقعات ہماری سماجی اقدار کے منافی اور معاشرے پر بدنما داغ ہیں ۔
وزیراعظم عمران خان نے واقع میں ملوث افراد کو جلد از جلد قانون کی گرفت میں لانے اور قرار واقع سزا دلوانے کا حکم دیا ۔ انہوں نے ہدایت کی کہ معصوم بچوں اورخواتین سے زیادتی کے واقعات کے تدارک کے حوالے سے قوانین کو مزید موثر بنانے کے لیے اقدامات کیے جائیں ۔