بھارت نے ریاست جموں کشمیر کی مسلم اکثریت کو اقلیت میں تبدیل کرنے کی کوشش کی ہے،وزیر اعظم آزاد کشمیر
وزیر اعظم آزاد کشمیر چوہدری انوار الحق نے کہاہے کہ بھارت نے اپنے آئین میں تبدیلی کر کے ریاست جموں کشمیر کی خصوصی حیثیت کو ختم کر کے ریاست کی مسلم اکثریت کو اقلیت میں تبدیل کرنے کی کوشش کی ہے۔ جب تک پاکستانی قوم کشمیریوں کی پشت پر کھڑی ہے تقسیم کشمیرکی کسی سازش کا تصور بھی نہیں ہے ۔ مظفرآباد میں یوم استحصال کے موقع پر میڈیا سے گفتگو کرتے ہوئے وزیر اعظم آزاد کشمیر نے کہا کہ بھارت نے پیسنٹھ لاکھ بھارتیوں کو کشمیر کا ڈومیسائل جاری کیا ہے۔
