الیکشن کمیشن میں بانی پی ٹی آئی اور فواد چوہدری کے خلاف توہین الیکشن کمیشن کیس کی سماعت ممبر نثار درانی کی سربراہی میں چار رکنی بنچ نے کی ۔۔ فواد چوہدری اور ان کے وکیل الیکشن کمیشن میں پیش ہوئے اور موقف اختیار کیا کہ فواد چوہدری کے شو کاز نوٹس کا جواب د ے دیا گیاہے۔۔ رکن بنچ نے استفسار کیا کہ ہم نے جیل سے ویڈیو لنک حاضری کا آرڈر دیا تھا اس اس کا کوئی اثر ہوا، جس پر ڈی جی لا ء ونگ نے جواب دیا کہ ہم نے اس حوالے سے جیل حکام کو خط لکھا تھا۔ رکن بنچ نے استفسار کیا کہ کیوں جیل حکام نے جواب نہیں دیا، جس کو نوٹس بھیجا تھا اس کو بلائیں ،کیس کی سماعت نو اکتوبر تک ملتوی کر دی گئی ۔۔