پاکستان نے جنوبی افریقہ کو17رنز سے شکست دیکر ہانگ کانگ سپر سکسز کے سیمی فائنل کےلئے کوالیفائی کرلیا۔
مونگ کوک میں کھیلے گئے میچ میں پاکستان نے مقررہ 6اوورز میں 3کٹوں پر105رنزبنائے۔ محمد اخلاق نے 16گیندوں پر53رنز کی جارحانہ اننگز کھیلی۔ آصف علی صفر ، کپتان فہیم اشرف صفر اور عامر یامین 18رنزبناکر آؤٹ ہوئے۔ حسین طلعت نے 27رنز کی ناٹ آؤٹ اننگز کھیلی۔ جنوبی افریقہ کےایون جونز نے2وکٹیں حاصل کیں۔
جواب میں جنوبی افریقہ کی ٹیم 4وکٹوں پر88رنز بناسکی۔ ایون جونز 41رنز کے ساتھ ٹاپ سکورر رہے۔ پاکستان کی جانب سے حسین طلعت نے2کھلاڑیوں کو آؤٹ کیا۔