گوجرانوالہ میں پاکستان آرمی ٹیلنٹ ہنٹ انڈر 16 فٹبال چیمپئن شپ کا انعقاد کیا گیا۔
چیمپئن شپ میں گوجرانوالہ ریجن سےسیالکوٹ، نارووال، منڈی بہاؤ الدین، وزیرآباد، گوجرانوالہ کی 10 ٹیموں نے حصہ لیا۔ آرمی کے ٹیلنٹ ہنٹ پروگرام میں گراس روٹ لیول تک سلیکشن موثر بنانے کے لئے تحصیل اور گاؤں کی سطح پر ایکٹیویٹیس کو یقینی بنایا گیا تا کہ ہر ایک فٹبال پلیئر کو اپنی صلاحیات منوانے کا موقع مل سکے۔ آرمی فٹبال ٹیلنٹ ہنٹ پروگرام کے انعقاد کا مقصد دنیا بھر میں فٹبال کے کھیل اور اس میں پاکستان کی ٹیم کو بین الاقوامی سطح پر اُجاگر کرنے کی طرف اہم قدم ہے۔ فٹبال کے ساتھ ساتھ کھلاڑیوں کو ٹینک، بکتربند گاڑیوں، گنز سے متعارف کروایا گیا اور براق پارک اور لائبریری کا وزٹ بھی کروایا گیا۔