بزنس

پاکستان سٹاک ایکسچینج میں ایک اورتاریخ ساز دن

پاکستان اسٹاک ایکسچینج میں 100 انڈیکس نے تاریخ کی نئی بلندی کو چھو لیا۔۔۔ 100 انڈیکس میں 2100 سے زائد پوائنٹس کا اضافہ ہوا ہے اور انڈیکس ایک لاکھ 17 ہزار 322 پر پہنچ گیا۔۔ اسٹاک ایکسچینج میں کاروباری ہفتے کے تیسرے روز تیزی کا رجحان برقرار رہا۔ 100 انڈیکس نے ایک مرتبہ پھر تاریخ میں ایک لاکھ 17 ہزار کی نفسیاتی حد عبور کی۔ تجزیہ کاروں کا کہنا ہے کہ حکومت کی مضبوط معاشی پالیسیوں، سرمائے کی گردش، پالیسی ریٹ میں کمی اور بہتر کاروباری حالات سے سرمایہ کاروں کا اعتماد بڑھ رہا ہے۔ اسٹاک مارکیٹ کے ماہرین کہتے ہیں کہ تمام معاشی انڈیکیٹرز مثبت ہونے سے مارکیٹ کا حجم بڑھ رہا ہے۔ ایس آئی ایف سی  کی معاونت سے آئی ٹی، زراعت، کان کنی، معدنیات اور توانائی کے شعبوں میں سرمایہ کاری بڑھنے سے معیشت پر شاندار اثرات مرتب ہوئے۔

ہمارے بارے میں

پاکستان میں ٹیلی ویژن نشریات کا آغاز لاہور میں ایک چھوٹے پائلٹ ٹی وی ا سٹیشن کے قیام سے ہوا جہاں سے بلیک اینڈ وائٹ نشریات چھبیس نومبر انیس سو چونسٹھ میں شروع کی گئیں بعد میں انیس سو سٹرسٹھ میں راولپنڈی میں اور کراچی میں ٹی وی سینٹرز قائم کئے گئے جبکہ پشاور اور کوئٹہ میں انیس سو چوہتر میں سینٹرز کا قیام عمل میں آیا۔
وقت کے ساتھ ساتھ جیسے دوسرے ٹی وی چینلز پی ٹی وی نیٹ ورک کا حصہ بنے اسی طرح علاقائی پروگرامنگ چینل پی ٹی وی بولان بھی پی ٹی وی کا حصہ بنا۔ پی ٹی وی بولان کو چودہ اگست دو ہزار پانچ میں لانچ کیا گیا